Casalderrey: A LIX galega débelles moito aos profesionais do ensino
A nova académica da RAG vai falar sobre literatura infantil e xuvenil no seu discurso de ingreso//Traballa na adaptación ao cine da novela Querido Tomás de Xosé Neira Vilas
A escritora Fina Casalderrey considera que a literatura infantil e xuvenil, que centrou a maior parte da súa produción literaria, sempre tivo menos visibilidade e, de feito, este xénero estará presente no seu discurso de ingreso na Real Academia Galega (RAG). Así, e ante o seu nomeamento como numeraria da institución da lingua, a autora pontevedresa espera que axude a borrar as etiquetas de prexuízo cara a este xénero e logre potencialo, tanto na educación como na cultura.
Nin sequera nas escolas de Maxisterio a literatura infantil e xuvenil está integrada oficialmente no programa de créditos académicos, polo que os futuros mestres que se achegan e aprenden, fano pola súa conta, explicou Fina Casalderrey, natural de Xeve (Pontevedra), nunha entrevista tras o seu nomeamento como académica.
Más información en El Correo Gallego (edición papel) y en Orbyt