Coferencia de Claudio Rodríguez Fer sobre Valente
A charla do Ateneo será hoxe, na Rúa do Vilar // É o comisario da mostra homónima de Fonseca
O Ateneo de Santiago ten programada hoxe (20.00 h) na Rúa do Vilar, 19, a conferencia Valente e a unidade das artes, impartida polo poeta Claudio Rodríguez Fer, director da Cátedra José Ángel Valente de Poesía e Estética da USC e comisario da mostra homónima que se exhibe ata o 4 de xaneiro na capela gótica e no salón de artesoado mudéxar do Pazo de Fonseca.
O poeta, narrador e ensaísta Claudio Rodríguez Fer, especializado como estudoso na obra do seu amigo José Ángel Valente, elaborou edicións da súa poesía e tradución, recompilou os seus ensaios e dedicoulle numerosos artigos e libros. Dirixiu o Encontro Internacional sobre José Ángel Valente de 1993 e exerceu como padriño académico de dito poeta no seu doutoramento Honoris Causa pola Universidade de Santiago en 1999. Ademais, pronunciou conferencias e impartiu clases sobre dito autor en universidades de todo o mundo.