Santiago
+15° C
Actualizado
sábado, 11 julio 2020
01:58
h

A Corporación municipal pechou a lexislatura cun pleno extraordinario

Aprobáronse por unanimidade as actas das sesións celebradas nas últimas semanas // O sábado ás 14 horas constitúese a nova Corporación coa toma de posesión dos concelleiros e o nomeamento do alcalde

    A Corporación municipal reuniuse onte pola tarde no último Pleno da lexislatura 2015-2019. Foi unha sesión extraordinaria convocada para aprobar as actas das cinco sesións celebradas durante o mes de abril.

    O alcalde en funcións, José María Bello Maneiro, tivo despois unhas palabras de agarimo para as dúas persoas do grupo de goberno que deixan de formar parte da Corporación valguesa: Mari Carmen Castiñeiras, responsable ata o de agora da área de Cultura, e Ramona Otero, concelleira delegada de Xuventude, Turismo e Escola de Música. Ás dúas agradeceulles “o traballo realizado durante todos estes anos” e que redundou en beneficio de Valga e dos veciños.

    O vindeiro sábado, ás 14 horas, celebrarase o Pleno de constitución da nova Corporación 2019-2023. Ao comezo da sesión constituirase unha mesa de idade integrada polos concelleiros electos de maior e menor idade, ademais do secretario municipal.

    A súa función incluirá a comprobación das credenciais dos concelleiros electos, requisito premio á toma de posesión do cargo. Esta mesa presidirá tamén a elección e proclamación do novo alcalde.

    A orde do día do Pleno é a seguinte:

    Designación da Mesa de Idade
    Comprobacións previas á constitución do Concello
    Toma de posesión dos concelleiros electos
    Elección do alcalde
    - Proclamación de candidatos á Alcaldía

    - Elección do sistema de votación

    - Votación

    - Toma de posesión

    16 jun 2019 / 17:48
    Noticia marcada para leer más tarde en Tu Correo Gallego
    Tema marcado como favorito