Santiago
+15° C
Actualizado
jueves, 06 agosto 2020
15:00
h

Feijóo, sobre Beiras: "Solo vai ao Parlamento a intentar cobrar unha nómina"

Incide "na marca" do voceiro de AGE de "20 anos cobrando" da Cámara: "Non hai quen cobre máis, traballe menos e lle falte máis ao respecto"

    O presidente da Xunta, Alberto Núñez Feijóo, cargou con dureza contra o voceiro de AGE, Xosé Manuel Beiras, quen este mércores acendeu o debate sobre Venezuela no Pazo do Hórreo ao acusar de "golpista" ao PP, e advertiu de que "para os efectos prácticos" o histórico nacionalista "non está" no Parlamento galego senón que "solo vai intentar cobrar unha nómina".

    "Que a cobra, eh", continuou Feijóo, tras ser preguntado na rolda de prensa posterior ao consello de la Xunta acerca de se a actitude de Beiras na última sesión plenaria debería motivar a súa expulsión.

    En concreto, o debate sobre unha iniciativa impulsada polo PPdeG na que se recolle a declaración da Unión Europea sobre Venezuela, acabou cun novo enfrontamento directo entre o voceiro de Alternativa Galega de Esquerda cos deputados populares, aos que acusou de "golpistas, racistas e fascistas".

    A actitude de Beiras, que tras a súa intervención e antes de abandonar o hemiciclo percorreu as bancadas do PPdeG con esas palabras e que se chegou a parar fronte a deputados como Aurelio Núñez Centeno e Pedro Puy --voceiro parlamentario--, enfadou ao voceiro do PP galego, Miguel Tellado, que lle espetou (malia a súa ausencia): "Se lle quere facer un favor á democracia, o mellor que pode facer é marchar e non volver".

    Sobre esta situación, Feijóo replicou que el non é o presidente da Cámara para decidir sobre expulsións e que o xefe do Lexislativo, Pilar Rojo, "intenta que se poidan celebrar os plenos", antes de cargar contra Beiras, de quen destacou que "leva 20 anos cobrando a nómina do Parlamento", convencido de que "non hai unha marca como este".

    "Non hai alguén que cobre máis do Parlamento, traballe menos e que lle falte máis ao respecto. Non hai na historia democrática de Galicia un exemplo que poida superar a actitude deste deputado", reprobou o presidente galego.

    "ESPERPENTO"

    Ao tempo, o presidente deu por feito que todos os galegos teñen "dificultade" para saber o que "máis" les "incomodou" do "esperpento" da pasada xornada na Cámara autonómica, no debate dunha iniciativa que recibiu o voto favorable de PP e PSOE, pero á que se opuxeron AGE, BNG e Grupo Mixto.

    "Non sabemos (se o que máis nos incomodou) foi a falta de respecto sistemática, o interese de algúns por desprestixiar as institucións e trasladar que a democracia non serve ou ver que hai deputados que evitaron co seu voto condenar as tropelías e decisións antidemocráticas en Venezuela que afectan a 40.000 galegos que viven alí", esgrimiu.

    "Ten dificultades para saber que indigna máis aos galegos, eu creo que as dúas cousas", continuou, antes de subliñar que na pasade xornada plasmouse "unha imaxe moi clara" do que é Parlamento de Galicia, con persoas "que non respectan as institucións democráticas, que se burlan de forma constante delas e que están a favor de sistemas que conculcan a democracia como o de Venezuela".

    Feijóo "lamentou" esta situación no país "onde vive e traballa". "O que non podiamos saber é que había unha porcentaxe non menor da Cámara en contra da resolución do Parlamento europeo, das Cortes e de que os expresidentes Suárez e Aznar dean a cara como demócratas", resolveu.

    30 abr 2015 / 17:14
    Noticia marcada para leer más tarde en Tu Correo Gallego
    Tema marcado como favorito