Santiago
+15° C
Actualizado
lunes, 25 mayo 2020
04:11
h

Lousame dota crédito para pagar facturas antes do vindeiro ano

O Pleno do Concello de L­ousame celebrou a última hora da tarde do pasado venres unha sesión extraordinaria na que aprobou por unanimidade dous recoñecementos extraxudiciais de crédito (REC), de 4.663 euros e 11.454 euros cada un, para o pago de facturas antes de que remate o ano 2019. Dous puntos que a Corporación sacou adiante en tan só uns minutos. A alcaldesa lousamiá, Teresa Villaverde, explicou que "a modificación de crédito xa se fixo pero como son facturas que non tiñan consignación no seu momento, teñen que vir a pleno".

Cómpre lembrar que nunha sesión celebrada este mesmo mes, o Pleno tamén deu luz verde a un REC por valor de 32.688 € para facer frente ao pago de facturas pendentes coa firma Unión Fenosa. Un acordo necesario para así "non reducir a cantidade dedicada a obras a través do POS+ 2020", dixo a rexedora.

30 dic 2019 / 00:00
Noticia marcada para leer más tarde en Tu Correo Gallego
Tema marcado como favorito