Mariño destaca a aposta do BNG por mellorar os servizos sociais en Dodro
O tenente de alcalde nacionalista mantivo un encontro coas traballadoras da área
O edil do BNG e membro do goberno tripartito de Dodro, Xoán Bautista Mariño, destaca nun comunicado o papel que quere xogar a súa formación para mellorar os servicios sociais no concello. Mariño lembra que aínda que a súa formación renunciou a percepción dun salario polo seu traballo, "iso non está sendo, nin será, un impedimento para traballar na mellora dos servizos da veciñanza".
Mariño Abuín, tenente de alcalde e concelleiro de Servizos Sociais, di que o seu traballo diríxese a mellorar a calidade de vida dos maiores, con programas sectoriais específicos e servizos de dependencia que engloban axuda no fogar, cursos de memoria, alfabetización de adultos ou obradoiros, entre outros proxectos.
O edil nacionalista destaca o traballo que desde Servizos Sociais se presta á cidadanía pese ao pouco persoal existente. Tras unha toma de contacto coas traballadoras e programas, di que xa traballan nas distintas iniciativas de cara ao outono e inverno sen esquecer o día a día.
Tenente de alcade de Dodro
"Trataremos de poñer en valor os recursos humanos e materiais"