Preséntase 'Seica si', novo poemario de Emilio Araúxo

CHAN DA PÓLVORA As localidades de Lumeares e de Doade acollerán este sábado, a partir das doce do mediodía, a presentación de Seica si, o novo poemario de Emilio Araúxo, sen dúbida a voz que con máis fondura e revelación cantou á Ribeira Sacra. Desde Sacardebois, Araúxo vai reconstruíndo a memoria da comarca a través das palabras e recordos das súas xentes. O libro, construído arredor das palabras e as accións de Isolina Pumar, inaugura a Colección N, unha iniciativa desenvolvida por Chan da Pólvora Editora e amastra-n-gallar.