Un libro fotográfico revisita os fitos da arquitectura da auga en Galicia
O selo Guiverny propón unha viaxe arredor do país dos mil ríos// Dez textos acompañan as imaxes a toda cor de Sergio Portela, que glosan a relación dos galegos co líquido elemento
![Un libro fotográfico revisita os fitos da arquitectura da auga en Galicia Un libro fotográfico revisita os fitos da arquitectura da auga en Galicia](http://www.elcorreogallego.es/binrepository/1069x506/85c0/900d506/none/102922340/STIL/42_653185_0x0_izda_CG852637_MG147664142.jpg)
![Un libro fotográfico revisita os fitos da arquitectura da auga en Galicia Un libro fotográfico revisita os fitos da arquitectura da auga en Galicia](http://www.elcorreogallego.es/binrepository/1075x506/88c0/900d506/none/102922340/GDAX/42_653186_308x0_izda_CG852637_MG147664143.jpg)
Abrir as páxinas de Arquitectura da auga en Galicia (Guiverny, 2013) é decatarse da relación privilexiada que Galicia ten coa auga en todas as súas manifestacións. Abonda tamén con ollar a chuvia perpetua dos últimos dous meses, comprobar o nivel dos encoros e dos ríos, testemuñar o ingreso das ondadas nos paseos marítimos para se decatar de que ese convivio co líquido elemento é ineludíbel para os habitantes deste país.
Arquitectura da auga en Galicia
é un volume de gran formato, con fotografías a toda cor de Sergio Portela Campos, pintor, escultor e fotógrafo, autor, entre outros conxuntos, do Monumento a Jules Verne, ao pé da Illa de San Simón (Cesantes, Pontevedra).
Dez textos, que condensan referencias históricas, arquitectónicas, sociais e mitolóxicas, acompañan as imaxes tomadas por Portela para este traballo. O primeiro, o limiar, de Clodio González Pérez, que lle dá paso ao artigo Auga e arquitectura, de Alberto Fortes López.
Más información en El Correo Gallego (edición papel) y Orbyt