Ve a luz O pórtico poético dos seis poemas galegos de Lorca
O Consello da Cultura Galega publica este estudo crítico do profesor Luís Pérez sobre a obra do poeta granadino
O Consello da Cultura Galega presentou onte a edición cuarta e definitiva do libro O pórtico poético dos seis poemas galegos de Federico García Lorca, estudo crítico publicado pola institución e realizado polo profesor Luís Pérez Rodríguez.
A edición, de catrocentas páxinas, inclúe dous CDs cunha conferencia de Eduardo Blanco Amor pronunciada sobre o tema en Bos Aires en 1959 e un recital musical en 1996 no Consello da Cultura Galega coa música do compositor e pianista Isidro B. Maiztegui e a actuación da soprano Marta de Castro.
No acto interviron Ramón Villares, presidente do CCG; o autor, Luís Pérez Rodríguez, e a escritora e poeta María do Cebreiro.
Villares aludiu á importancia da publicación deste "breve poemario que internacionalizou a literatura galega", e lembrou a circunstancia de cadrar a súa presentación no día do nacemento do poeta (5 xuño 1898-19 agosto 1936).
Más información en El Correo Gallego en Orbyt