Impulso á xestión dos residuos cunha folla de ruta de oito liñas de incentivos

Preguntado polos xornalistas, Rueda di que non ten constancia de que a vindeira semana vaia a haber unha viaxe inaugural do AVE a Galicia.

Alfonso Rueda cre que paga a pena promover a fusión de concellos, apoiar aos alcaldes que así o demanden e mesmo incentivar estas fusións: "É un camiño que paga a pena explorar". Lembra que o PSOE recurriu en Galicia os decretos de fusión dos concellos.

Rueda pídelle ao delegado do Goberno en Galicia "que se informe un pouco" no tocante a Ence, logo de que José Miñones culpara á Xunta do tempo "perdido" para a búsqueda dunha alternativa á ubicación actual da planta en Pontevedra.

Malia a ampliación dos aforos, manteranse os distintivos na hostalaría (unha e dúas cunchiñas), porque consideran que está a ser un mecanismo "moi útil".

A preguntas dos xornalistas, Alfonso Rueda explica que en recintos deportivos pechados o aforo máximo segue a ser do 80% debido a unha norma estatal. Nos albergues, a partires da vindeira semana pasarase ao 100%. No tocante ao uso da máscara, "estudiarase se é viable xurídicamente a posibilidade de prescindir da máscara nos patios dos colexios", como vén de aprobar Madrid.

A Xunta acordou, a instancias do Concello de Pazos de Borbén, a transferencia de 100 metros dunha estrada neste municipio

Aprobada a expropiación para facer unha senda mixta, peonil e ciclista, no Concello de Cambre cun investimento de case 600.000 euros.

Aprobado un decreto para regular a formación de socorristas en Galicia: auméntanse os cursos e o número de centros que os poden impartir, créase unha nova figura de auxiliar en formación de primeiros auxilios e ofréceselle aos concellos a posibilidade de centralizar a selección destes socorristas na Academia Galega de Seguridade Pública. Contribuirá, di Rueda, á homoxeneización.

A Xunta destinará 80.000 euros á celebración da terceira Feira da Enerxía de Galicia, que se celebrará no recinto da Fundación da Semana Verde, en Silleda, centrada desta volta nas enerxías renovables.

A Xunta quere dar un impulso definitivo á xestión dos residuos, e aprobou unha folla de ruta con 8 liñas de incentivos arredor de tres eixos: como xestionar a materia dos biorresiduos, como xestionar os refugallos domésticos especiais, e como seguir avanzando na ampliación e xestión dos puntos verdes. Haberá 13,4 millóns de euros para lograr, coa vista posta en 2024, un sistema que xestione a compostaxe dos biorresiduos. Ao segundo eixo, o dos refugallos domésticos especiais, destinaranse 2,2 millóns de euros. No tocante ao terceiro, hai 150 puntos limpos en Galicia e traballarase para estendelos e que poida haber un por concello.

A Xunta recibiu más de 1.500 solicitudes de empresas e productores agrarios que pedían terras para seguir medrando. Levouse a cabo un estudo para saber que superficies de concentración parcelaria podían ser susceptibles de ser entregadas a estes demandantes. Hai en Galicia 700 terreos, unhas 24.000 hectáreas dispoñibles. O executivo comprobou que en 71 concellos se podían adxudicar terreos.

No Consello da Xunta foron autorizados 4 expedientes por 5,2 millóns de euros para combater a covid, en concreto para a área sanitaria de Ourense, Verín e O Barco, con 2,2 millóns, e para a área de Compostela e O Barbanza, con 3 millóns.

Rueda explica que malia a boa evolución da pandemia en Galicia, que fará que non se manteña a periodicidade semanal do comité clínico, hai que seguir mantendo a prudencia.

Outra das medidas adoptadas no camiño cara a normalidade foi "o levantamento das medidas excepcionais nas residencias sociosanitarias".

Aclara o vicepresidente da Xunta que seguirá sendo obrigatorio levar o certificado de vacinación para o acceso ao ocio nocturno

Explica o vicepresidente que na reunión de onte do comité clínico acordouse elevar os aforos ata o 100% en tódolos establecementos e actividades que estaban limitados a día de hoxe, "nomeadamente na hostalaría e no ocio nocturno". Tamén se acordou ampliar os horarios nos dous sectores.

Confirma Alfonso Rueda que se declarou oficialmente no Consello da Xunta o remate do estado de emerxencia sanitaria.

Alfonso Rueda destaca que hoxe hai 17 casos activos menos de COVID que onte en Galicia. Non se rexistraron falecidos nas últimas horas. Somos, di, "a comunidade autónoma coa menor taxa de incidencia a 7 días, 655 casos por 100.000 habitantes, e seguimos a ter a menor presión nos hospitais: un 0,67% fronte a case o 5% da media estatal". A taxa de positividade segue en torno ao 1%. O 93% dos galegos susceptibles de recibir a vacina conta xa coas dúas doses da vacina, 5 puntos máis que a media do Estado.

O vicepresidente primeiro Alfonso Rueda comparece tra-lo Consello da Xunta debido á viaxe a Madrid de Alberto Núñez Feijóo para reunirse coa ministra para a Transición Ecolóxica, Teresa Ribera. Rueda detalla algúns dos asuntos que o presidente levará á xuntanza, entre eles os fondos Next Generation.