Nivel medio de restricións en Camariñas, Malpica, Cambre, Poio e Castroverde

O comité clínico que asesora á Xunta de Galicia na xestión da pandemia provocada pola covid-19 vén de acordar, na súa xuntanza deste martes, o nivel medio de restricións para os concellos de Castroverde, Camariñas, Malpica de Bergantiños, Cambre e Poio. Os restantes concellos galegos permanecerán no nivel medio baixo. O comité reunirase de novo o vindeiro martes, para analizar a situación epidemiolóxica dos concellos galegos. Todas estas medidas entrarán en vigor ás 00:00 horas do vindeiro sábado, 26 de xuño.