Ames habilita o teletraballo a sesenta empregados

Co obxectivo de avanzar na tramitación de expedientes nestos momentos de confinamento, o goberno amiense habilitou o teletraballo para sesenta traballadores municipais. "O persoal pode acceder de xeito remoto ao seu equipo de traballo desde casa e funcionar como si estivera no Concello", explican fontes municipais.

Xunto coa atención telefónica e vía mail que está habilitada en cada departamento, dende o Concello lembran o uso da sede electrónica habilitada, pola que calquera cidadán pode presentar solicitudes, escritos ou facer reclamacións.