Outes acolle o terceiro Encontro de Poetas en Idioma Galego

Outes. A localidade de Outes acolle hoxe o 3º Encontro de Poetas en Idioma Galego. As actividades comenzan ás 11.00 horas co recibimento dos poetas e público na carballeira de detrás da casa da cultura. Media hora despois farase o roteiro Francisco Añón, dunha hora aproximadamente, visitando a casa e lugares relacionados co poeta e coa súa obra. O escritor e filólogo Ramón Blanco fará de guía. Sobre as 12.30 horas está previsto facer unha ofrenda floral na estatua de Francisco Añón seguida dunha foliada na carballeira a cargo do grupo de gaitas do Concello de Outes. Despois haberá un xantar popular ao aire libre, pero cada quen terá que levar a súa comida. Pola tarde, dedicarase ás intervencións e ao macrorrecital poético seguida de actuacións musicais. Este ano as entidades organizadoras e colaboradoras deste encontro de poetas son Terra de Outes, A Lanzadeira de Alcor e o Concello de Outes.

As actividades serán abertas ao público en xeral, totalmente libres e gratuítas.