Presentan 'O río do Porto' na vila que lle da nome

O Casino da Ponte do Porto acollerá mañá, ás 12.00 horas, a presentación do libro colectivo O río do Porto, o río grande da Terra de Soneira, editado polo Seminario de Estudos da Costa da Morte. O acto está organizado polo Concello de Camariñas e no mesmo participarán os catro autores: Evaristo Domínguez, Xan Fernández, Ramón Gándara e Xosé María Lema.