A rapazada de Vedra e Boqueixón viaxa a Ibiza

BOQUEIXÓN/VEDRA. Un total de 141 rapaces e rapazas de Boqueixón e Vedra, de idades comprendidas entre os 9 e os 16 anos, participaron nos Campamentos de Verán 2022, organizados conxuntamente polos Concellos de Vedra e Boqueixón como medida de conciliación familiar. A rapazada desfrutou de todo tipo de actividades: acuáticas, multiaventura, culturais e de natureza. Os campamentos tiveron lugar nas Rías Baixas e arrancaron trala finalizacion do curso escolar. A maiores, este ano contouse coa participación doutros 25 mozos e mozas chegados de Ibiza, de entre 16 e 18 anos de idade, e que forman parte dun intercambio. Estas 25 persoas, acompañadas por dous monitores, aproveitaron para coñecer os municipios de Vedra e Boqueixón, así como algúns dos puntos máis importantes de Galicia. Esta visita foi a antesala da viaxe a Ibiza por parte da rapazada boqueixanesa e vedresa, que estara alí ata o vindeiro 12 de xullo. A. PRADA