Sergude acolle un curso de cultivos propios do inverno

Boqueixón. O Centro de Formación e Experimentación Agroforestal (CFEA) de Sergude acollerá un curso sobre Cultivos de inverno na horta ecolóxica do 25 de agosto ata o 29 de setembro. Desenvolverase os mércores e xoves de 16.00 a 20.00 horas, nas instalacións da CFEA Sergude. Esta iniciativa de formación, na que colabora o Concello boqueixanés, está incluída no Plan de Formación ao Agro Galego 2021 e é gratuíta. Os interesados en participar deberán cumprimentar o documento, que se pode descargar na web boqueixon.gal e presentalo por rexistro electrónico ou ben de maneira presencial. Para máis información pódese chamar ao teléfono 881 867 331. C.G.