O Concello de Vedra elixiu este 8-M para homenaxear a Iria de Asla, a primeira presidenta da Asociación Berenguela pola Igualdade, fundada en 2008, coa que impulsou numerosas actividades a favor da igualdade na sociedade vedresa. O acto desenvolveuse coa presenza do alcalde de Vedra, Carlos Martínez Carrillo, e da edil de Igualdade, Susana García Lema, que se dirixiu a unha muller que “deixará pegada na historia do concello”. “Grazas Iria pola túa dedicación e por abrir a porta á seguinte xeración”, engadiu.