Destacan a coordinación como a base da atención aos maiores no Freixo
outes. O Náutico do Freixo acolleu a pasada fin de semana unha xornada de debate sobre perspectivas e prospectivas da Galicia postCOVID, organizada polo Concello de Outes en colaboración coa revista Tempos novos. Alí, o director xeral de Atención Integral
Sociosanitaria, Antón Acevedo, formou parte dunha mesa na que o tema principal focalizouse na cidadanía proactiva, onde sinalou os catro piares que a substentan: a integración de procesos, a mellora no sistema para autonomía e atención á
dependencia, o novo modelo de residencias e coidados, e a estratexia do envellecemento activo. Ao respecto, Antón Acevedo destacou a coordinación entre os ámbitos social e sanitario e dixo que “este novo modelo de coidados debe dar resposta ao que cada persoa maior precisa, con independencia de onde viva”. M.T.