La Urbana Store gaña o premio ribeirense de escaparates de Nadal
Elisa Mary García, veciña de Carreira, venceu no certame de embelecemento de fachadas // O de hostalería foi para a Pizzería D’Vicio
O Concello de Ribeira vén de facer pública a lista de gañadores dos concursos de Nadal nas modalidades decoración de fachadas, balcóns ou xardíns. Os premios consisten en bonos de compra para gastar ata o vindeiro día 31 de xaneiro nos vinte e tres establecementos do comercio local adheridos á campaña.
O concurso está dotado con 1.230 euros. A cantidade de cada premio entregarase en vales de compra de 30 euros cada un aos gañadores, que terán que ser gastados de xeito íntegro nun único establecemento da localidade.
O primeiro galardón (dotado con 300 euros) é para Elisa Mary García Fernández, de Carreira; o segundo, (210 euros), para José Manuel Parada Paz, de Carreira; e o terceiro (120 euros) para Ángela Pego Pérez, de Santa Uxía.
Ademais, nas modalidades de decoración hostaleira resultaron gañadores Alberto Barral Agraso, da Pizzería D’Vicio, con 300 euros; David Fernández, da Vinoteca Abuela Gloria, con 200 euros; e Carmen Acevedo Seráns, do Bar Snack, con 100 euros.
En canto ó concurso de decoración de Nadal nos escaparates, o primeiro galardón (300 euros) é para Álvaro Muñiz Ventoso, de La Urbana Store; o segundo (200 euros) para Alba Santos Romay, do local Alba Santos, e o terceiro (100 euros) para Sandra Villanustre Lapido, de A tenda de San Martiño.
Estes premios serán entregados ao longo do presente mes aos agraciados, estando pendentes de determinar o lugar e a data, xa que seguramente se realizará a entrega en cada local gañador por parte do alcalde, a concelleira de Cultura e/ou o concelleiro de Comercio e Turismo.