Ribeira exhibe as obras do certame Isaac Díaz Pardo de artes plásticas

RIBEIRA. O centro cultural Lustres Rivas de Ribeira exhibe ata o día 28 de febreiro as obras seleccionadas para o Certame de Artes Plásticas Issac Díaz Pardo, que promove a Deputación Provincial da Coruña. A concelleira de Cultura, María Sampedro, inaugurou a mostra nun acto que contou só coa presenza de autoridades e xornalistas e no que incidiu en que o certame “é un concurso artístico de referencia a nivel galego que nos brinda unha oportunidade perfecta para coñecer as mellores creacións do momento”. Nete senso, a mostra está integrada pola obra gañadora, titulada 7, de Mauro Trastoi Lindín, máis outras dezanove de temática variada. Está aberta de luns a venres de 10.00 a 14.00 e de 19.00 a 21.00 horas e os sábados de 11.00 a 14.00. O aforo está limitado a catro persoas conforme a normativa anticovid vixente. S. S.