Letras galegas: Os Bolechas coñecen a Xela Arias

Bolanda Ediciones na súa colección Os Bolechas. As miñas primeiras Letras galegas tamén se sumou ás homenaxes que se lle dedican a Xela Arias (Sarria, 1962-Vigo, 2003) con motivo de ser a personalidade galega a quen se lle dedica o día e ano das Letras Galegas.

Os Bolechas, personaxes creados por Pepe Carreiro (Vigo 1954), que tanto viaxan, ensinan e acompañan en aventuras á rapazada desde distintos medios (audio) visuais, sen esquecer nunca o libro, en Xela Arias, fan un percorrido pola traxectoria vital da polifacética escritora desde vestirse á moda dos oitenta, revisitar obras súas como Darío a diario, onde salientan os quefaceres da escritora como nai e relembran os quefaceres de calquera nai ata que seus fillos son maiores. Remátase o álbum cunha brevísima biografía para que a crianza, con pequenos datos, saiba quen foi a nena de Sarria que se criou e desenvolveu o seu traballo en Vigo.

marta.neira@usc.es