A Proa achega ás pemes a seguridade informática
![Asistentes a un dos cursos que acolle o espazo colaborativo A Proa de Ames. Foto: A Proa Asistentes a un dos cursos que acolle o espazo colaborativo A Proa de Ames. Foto: A Proa](http://www.elcorreogallego.es/binrepository/965x506/65c0/900d506/none/102922340/WGAB/290494036-408871661176302-8826403846666548060-n_422-6096405_20220930182823.jpg)
Ames. A Proa, o espazo colaborativo amesán sito en Novo Milladoiro, retoma a actividade adiada o pasado 16 de setembro: o Taller de seguridade informática nas pemes (pequenas e medianas empresas), que chegará este mércores ás 18.00 horas. Deste xeito, e despois dun dun breve parón durante os meses de xullo e agosto, retómanse as actividades no centro de coworking A Proa. O coworker Rafael Yáñez, promotor do proxecto Impulsa Dixital (xunto a súa compañeira Isabel Viñas), será o encargado de impartir dito taller. A inscrición para esta actividade pode realizarse de balde na ligazón que aparece na web municipal. Coñeceranse ferramentas de seguridade de hardware, software e das redes. Ademais, falarase das normas básicas da LOPD; como garantir a protección dos datos e medios informáticos ou como navegar pola rede e empregar o correo electrónico de xeito seguro. Por último, afondarase na formación do usuario. M.O.