As redes sociais coparon as homenaxes no Día de Rosalía
O Día de Rosalía demostrou un ano máis que é xa unha data consolidada no calendario cultural galego. E, a pesar das restriccións da pandemia, a xornada resoou en todos os recunchos do país e nas redes sociais, desde onde participaron músicos coa Alborada (tamén desde Londres ou a mesma Cristina Pato desde Nova York) e ducias de colexios celebrando o Caldo de Gloria. E a Fundación repartiu máis de 10.000 manteis co poema Miña casiña meu lar en comedores escolares.
En Rois se prantou unha filla da figueira e en Padrón fixose a ofrenda, mentras que no Pino os pequenos da unitaria de Gonzar protagonizaron a homenaxe con videos nos que amosaban versos da poetisa.
Si algo chamou onte a atención e que nas redes sociais o cancelo #DíadeRosalía convertiuse en trending topic en España, sendo unha das mensaxes máis utilizadas en Twitter. E a cociñeira Lucía Freitas (do restaurante A Tafona, con estrela Michelín) publicou a súa proposta no Youtube da Casa de Rosalía
Na Pobra, o alcalde, Lois Piñeiro, presidiu na Praza de Rosalía o acto institucional en homenaxe á escritora, amenizado polo grupo de música tradicional Os Caraveiros e con interpretacións a cargo de Mariló Ríos, ademais dunha ofrenda floral.
Finalmente, en Ames o acto máis curioso protagonizárono os alumnos do IES do Milladoiro, onde conviven rapaces de vintedúas nacionalidades que quixeron render tributo á poetisa da efeméride con vídeos.