Santiago
+15° C
Actualizado
lunes, 03 junio 2024
15:30
h

Campañas de agasallos e visitas dos Reis Magos co voluntariado teense

A Barcala. O departamento teense de Benestar realizou en Nadal unha campaña solidaria que permitiu que a cativada local tivera agasallos nestas datas. Dende o Concello destacan a importancia das aportacións e colaboración de empresas e particulares con esta iniciativa.

A campaña fai unha recadación mediante a venda de vales de 5 euros e tamén recibe fondos directamente de empresas. Nesta edición recadáronse 1.840 euros, dos cales algo máis do 80 % procedeu dunha doazón da empresa teense Tarlogic. Trátase dunha firma que ten amosada o seu carácter solidario ó colaborar habitualmente co Banco de alimentos municipal. Neste Nadal, cos cartos obtidos, agasallouse a un total de 71 nenos ou adolescentes. O gasto medio dos regalos foi de 25 € e fíxose no comercio local, nas firmas que tamén colaboraron co Concello coa venda dos vales solidarios: Multicentro Pernas, Vagoneta educativa e Librería d´Ana.

E por outra banda, o 5 de xaneiro tamén se volveu a celebrar a tradicional cabalgata que visita as residencias de maiores e centros de discapacidade. Esta visita das Súas Maxestades tivo que interrumpirse os últimos anos pola pandemia, e neste 2023, Melchor, Gaspar e Baltasar, volveron a visitar cinco residencias de Teo e o centro de día ocupacional de Aspamite. En total entregaron 355 pequenos obsequios nun día máxico que os usuarios recibiron con moita ilusión. Neste caso colaboraron coa iniciativa cinco voluntarios. ODV

14 ene 2023 / 01:00
  • Ver comentarios
Noticia marcada para leer más tarde en Tu Correo Gallego
TEMAS
Tema marcado como favorito
Teo
Selecciona los que más te interesen y verás todas las noticias relacionadas con ellos en Mi Correo Gallego.