Case 1.600 vecinos apostaron polas andainas do programa SaudeAndo

A Maía. O programa SaúdeAndo da concellaría de Benestar social incluirá 38 andainas ao longo de todo o ano, con 19 rutas circulares dende os dous centro de saúde. E foron preto de 1.600 as persoas que se sumaron no ano 2022.

As sesións teñen lugar ás 17.30 horas, alternando cada xoves entre os dispensarios das dúas urbes, e inclúen o acompañamento dun monitor de marcha nórdica, que instrúe ás persoas que desexen voluntariamente practicar esta modalidade.

No Milladoiro haberá 19 andainas, nos días 12 e 16 de xaneiro; 9 e 23 de febreiro; 9 e 23 de marzo; 20 de abril; 4 de maio; 1, 15 e 29 de xuño; 7 e 21 de setembro; 5 e 19 de outubro; 2, 16 e 30 de novembro e 14 de decembro. Pola súa banda, Bertamiráns contará con 19 saídas, os días 19 de xaneiro; 2 e 16 de febreiro; 2, 16 e 30 de marzo; 13 e 27 de abril; 11 e 25 de maio; 8 e 22 de xuño; 14 e 28 de setembro; 26 de outubro; 9 e 23 de novembro e 7 e 21 de decembro. M. O.