Centenario do manifesto de Manuel Antonio ‘Máis alá’ ao pé da Langosteira
![F. R. Lavandeira, á esquerda, Alexandre Nerium, Modesto Fraga e Miro Villar en Fisterra. Foto: B. F. F. R. Lavandeira, á esquerda, Alexandre Nerium, Modesto Fraga e Miro Villar en Fisterra. Foto: B. F.](http://www.elcorreogallego.es/binrepository/900x600/0c0/900d506/none/102922340/DMPI/imagen-fisterra-homenaxe-en-bela-fisterra-a-manuel-antonio-adolfo-muinos-alexandre-nerium-modesto-fraga-y-miro-villar-def_422-6541203_20221225175608.jpg)
Fisterra. As salas do hotel Bela Fisterra, ao pé da praia de Langosteira, acolleron un novo acto literario para lembrar o manifesto Máis alá, de Manuel Antonio, coincidindo co seu centenario.
No encontro participaron Adolfo Muíños, alcalde de Rianxo; Xosé Luís Axeitos, Académico da Real Academia Galega, profesor e investigador; Xosé María Dobarro, profesor e investigador; e Xesús Torres Regueiro, historiador, investigador e coeditor literario do libro. Ademais, deuse lectura a varios textos a cargo dos poetas fisterráns Modesto Fraga e Alexandre Nerium, do ceense Miro Villar e do rianxeiro F.R. Lavandeira.
A cita literaria enmarcouse no ciclo Un Nadal infinito e de libro!!! do Bela Fisterra terá continuidade o domingo, día 8 de xaneiro, coa presentación da nova obra da poeta fisterrana Branca Vilela. M. Lavandeira