Santiago
+15° C
Actualizado
jueves, 01 diciembre 2022
07:33
h

Debate, música e imaxes para rememorar o ‘Prestige’ na vila da Barca

A Asociación de Amigos Gervasio Sar reconstruirá a memoria cunha mesa redonda

Muxía. O Salón do Voluntariado de Muxía acolle este venres, día 18 ás 19.00 horas, un encontro para reconstruír a memoria arredor da pregunta: vinte anos do Prestige, como o viviron?, organizado pola Asociación de Amigos Gervasio Sar.

Na mesa redonda avaliaranse as consecuencias ambientais, económicas, turísticas, sociolóxicas e políticas da catástrofe ambiental, e participarán José Vicente Domínguez, capitán de pesca e da mercante, que traballou nun petroleiro semellante ao Prestige, ademais de ocupar cargos na Administración pesqueira e publicar numerosos artigos sobre a navegación e a actividade marítima; Sven Schwebsch, voluntario alemán afincado en Carnota; Javer Sar, armador e patrón maior de Muxía naquela época, e Toñico Haz, percebeiro.

Previamente, exhibirase o documental Nunca máis; marea de dignidade, producido por Saga TV e dirixido polo cineasta Marcos Gallego, director do festival de cine documental Mares do Mundo. Trátase dunha reportaxe que retrata a través da mirada de reporteiros gráficos e xornalistas de medios internacionais cal era o clima social e político de Galicia.

O encontro pecharase cun concerto do acordeonista Fernando Fraga, profesor no Conservatorio da Coruña e director da Escola de Música e da Banda Municipal de Cee.

A Asociación de Amigos Gervasio Sar conta coa colaboración do Concello de Muxía, que enmarcou este acto na programación cultural do outono. M. LAVANDEIRA

17 nov 2022 / 01:00
  • Ver comentarios
Noticia marcada para leer más tarde en Tu Correo Gallego
TEMAS
Tema marcado como favorito
Selecciona los que más te interesen y verás todas las noticias relacionadas con ellos en Mi Correo Gallego.