Declarada como festa de interese turístico de Galicia o Asalto ao Castelo de Vimianzo
O Consello da Xunta aprobou hoxe o proxecto de acordo polo que se declara festa de interese turístico de Galicia o Asalto ao Castelo de Vimianzo, unha celebración que ten lugar o primeiro sábado de xullo desde o ano 1996.
Impulsada por colectivos sen ánimo de lucro, “a celebración inclúe un alto valor cultural e multitude de actividades vencelladas coa arqueoloxía, a gastronomía ou a cultura do municipio, sobre todo no que atinxe á pegada rupestre e medieval”, afirman dende a Xunta.
Unha distinción que tamén lle foi concedida este xoves á Festa do Percebe (Aguiño, Ribeira), á Festa das Sopas de Burro Canso (Muíños) e á Festa da Bica (Pobra de Trives).
19 may 2022 / 22:16
Noticia marcada para leer más tarde en Tu Correo Gallego
Selecciona los que más te interesen y verás todas las noticias relacionadas con ellos en
Mi Correo Gallego.