Evacuado en helicóptero un ferido nun accidente de tráfico en Camariñas

Unha persoa resultou ferida de gravidade como consecuencia dun accidente de tráfico rexistrado en Xaviña, na estrada que comunica Camariñas e Vimianzo. Os bombeiros do parque comarcal de Cee tiveron que excarcerar ao ocupante dun turismo e colaboraron cos equipos sanitrios que se encargaron de trasladalo a un centro hospitalario nun helicóptero medicalizado desprazado á zona.

Asemade, colaboraron cos operarios de conservación de estradas nas labores de limpeza da vía. Ata o lugar tamén se desprazaron membros de Protección Civil e da Garda Civil de Tráfico.