Vimianzo mellorará a pavimentación de tres vías locais
Actuará nas que van de Devesa á Casiña, do cemiterio de Cures a Mouzo e na de Tufións // As obras serán financiadas con cargo ao POS+ 2020
O Concello de Vimianzo mellorará a pavimentación do vial que une os núcleos de Devesa e Casiña, do que vai do cemiterio de Cures a Mouzo e o da vía de Tufións. O proxecto, financiado polo POS+ 2020 da Deputación Provincial da Coruña, contará cun importe de 96.988,7 euros e terá un prazo de execución de catro meses desde o comezo dos mesmos.
A actuación consistirá na renovación do pavimento actual, que é de zahorra nos tres casos, para aplicarlle asfalto e así solventar a problemática que supón o seu estado actual tanto para peóns como para condutores. Procederase tamén á limpeza de cunetas e perfilaranse con motoniveladora, para que cumpran así as funcións de evacuación da auga da choiva.
O edil de Obras, Miguel Ángel Pérez, remarca da “necesidade destes traballos, que necesitaban destas intervencións para mellorar así tanto as conexións interparroquiais como optimizar a seguridade de peóns como e condutores e condutoras”, destaca o edil.