Do ukelele á formación coral: comeza o curso na Escola de Música pobrense

a pobra. A Escola de Música da Pobra inicia o curso cunha variada oferta formativa. Impartiranse clases de iniciación musical infantil (3, 4 e 5 anos), formación instrumental individual (saxo, frauta travesa, clarinete, trompeta, trompa, trombón, bombardino, tuba, violoncello, piano, piano complementario, guitarra, baixo eléctrico, ukelele, percusión, batería, teoría da música e gaita), linguaxe musical, formación musical para persoas adultas, harmonía clásica, harmonía moderna, coro de música moderna formado por persoas adultas, banda xuvenil, grupos de cámara, combos (jazz, funk e rock), ensemble de percusión e preparación de probas de acceso a conservatorios. O prazo de matrícula estará aberto todo o curso e o custo depende do número de materias e de cales sexan as disciplinas. suso souto