Santiago
+15° C
Actualizado
sábado, 04 diciembre 2021
03:22
h

En marcha as obras de saneamento na rúa Buenos Aires, en Corrubedo

Ribeira. O Concello de Ribeira vén de informar do inicio da actuación consistente no reforzo da rede de pluviais e a ampliación do saneamento da rúa Buenos Aires, único vial de entrada á parroquia de Corrubedo.

Dende o executivo local sinalaron que a zona onde se centra esta obra non ten a día de hoxe suficiente capacidade para recoller toda a auga superficial cando se dan chuvias intensas, o que motiva que se produzan acumulacións de auga na calzada. Ademais, algúns tramos da rúa carecen de saneamento.

O proxecto técnico elaborado polo Concello persegue por unha parte a mellora da rede de drenaxe da rúa Buenos Aires e, por outra, a ampliación da rede na marxe esquerda do vial.

A obra vai ser executada por Construcciones Anspal, S.L. Comporta un investimento de 40.535 euros e adscríbese ao Plan de Aforro e Investimento (PAI) da Deputación da Coruña. m. t.

21 oct 2021 / 20:28
  • Ver comentarios
Noticia marcada para leer más tarde en Tu Correo Gallego
TEMAS
Tema marcado como favorito
Selecciona los que más te interesen y verás todas las noticias relacionadas con ellos en Mi Correo Gallego.