Lousame organiza dous obradoiros para a rapazada

LOUSAME. O Concello de Lousame organiza dous obradoiros gratuítos de robótica e imprenta dirixidos a nenos e nenas menores de 12 anos. Ambas iniciativas contan coa colaboración do programa Ler Conta Moito e terán lugar na casa da cultura lousamiá os venres 3 e 10 de setembro, ás 18.00 horas. As inscricións poden realizarse de balde a través da plataforma bandoticket.com. O obradoiro de robótica está dirixido a nenos e nenas de 6 a 12 anos de idade e terá lugar este

venres 3 de setembro. O vindeiro día 10 será a quenda do taller de imprenta, dirixido á rapazada de entre 9 e 12 anos. Ambas iniciativas terán unha duración de dúas horas. m. C.