Romero irrita ós socios da súa investidura polo retraso dos orzamentos

Boiro. O alcalde de Boiro, o socialista José Ramón Romero, estase distanciando cada vez máis das tres forzas políticas de esquerdas que posibilitaron a súa investidura. Mentras o edil de ICB, Manuel Velo, mantén a súa ameaza de dimitir (o que abriría ao PP a porta dunha posible moción de censura) BNG e Boiro Novo xa lle lanzaron serias advertencias e, agora, repróchanlle que non movera ficha aínda para sacar adiante os orzamentos.

A edil de Boiro Novo, Dores Torrado, critica a “deixadez” do goberno local ao respecto tras confirmar que non recibiu “nen a primeira chamada” para pactar o documento económico, engadindo que “para que haxa un acordo, deberá contemplar ao persoal da emisora de radio municipal” (actualmente adscrito aos departamentos de Recadación e Intervención).

Tamén o Bloque lle reprocha a Romero que aínda non o citase para negociar os orzamentos, ao tempo que lamenta que “ademais de evidenciar unha total falta de responsabilidade”, a actual situación deriva en “consecuencias”. Unha delas é, segundo o BNG, que o executivo local tivo que rexeitar máis do 60 % das solicitudes de axudas aos estudantes “ao ser insuficiente a partida destinada a tal fin”. s. souto