Últimos días para anotar ós cativos no programa Lousame Concilia

Lousame. O Concello de Lousame abriu o pasado venres o prazo de preinscrición no programa Lousame Concilia, un servizo de atención e coidado de nenos e nenas de entre 3 e 12 anos no CPI Plurilingüe Cernadas de Castro durante o curso 2022/2023.

Segundo indicaron dende a administración municipal, o servizo empezará a prestarse dende o nove de setembro, en horario de 07.45 a 09.00.

O prazo de preinscrición estará aberto ata o mércores 20 de xullo no departamento de Servizos Sociais de Lousame, en horario de 08.30 a 14.30 horas. Os impresos poden recollerse nos Servizos Sociais de Lousame ou descargarse directamente da web municipal (www.concellodelousame.gal).

Cómpre lembrar que Lousame Concilia é un programa de conciliación familiar organizado polo Concello e cofinanciado polo Fondo Social Europeo e a Secretaría Xeral da Igualdade da Presidencia da Xunta de Galicia. Fontes municipais lembran que tamén existe a posibilidade de traer aos pequenos e pequenas en datas concretas durante o curso escolar.

Os interesados poden solicitar máis información nos Servizos Sociais de Lousame ou no 981 820 494. m. c.