Efa Fonteboa de Coristanco organizará un foro empresarial do sector lácteo
Coristanco. Avaliar os escenarios, estratexias e indicadores de eficiencia serán os eixos do Foro Empresarial Lácteo que organizará o Centro de Promoción Rural - Efa Fonteboa, de Coristanco, xunto coa Fundación para a Promoción e Desenvolvemento Rural (Fundesar).
Celebrarase os días 27 de xaneiro, e e 10 de febreiro. Na xornada inaugural José Luis Antuña, conselleiro de Quescrem, avaliará a produción de leite nun contexto de globalización e de segmentación dos mercados. Haberá tamén un coloquio con Carmen Lence, conselleira do Grupo Lence.
O día 3 de febreiro abordarase a estrateixa empresarial na produción de leite, da man de Rafael Prieto, de Gestrafech, e o día 10 debatirase sobre indicadores de eficiencia na xestión empresarial con José Carlos Gutiérres e Asunción Teresa Pendón, de Gestratec. Haberá tamén coloquios con membros de Terra e Leite e XR de Cooperativa Agraria Provincial.
Os interesados en participar deben inscribrise previamente a través do correo luis.garcia@efagalicia.org. As prazas son limitadas e asignaranse por orde de inscrición. M. L.