Santiago
+15° C
Actualizado
jueves, 24 septiembre 2020
22:45
h

Multas de ata 10.000 euros por non limpar as parcelas na Laracha

Abertos máis de 200 expedientes para esixir aos propietarios que acometan os traballos

A Laracha. Atendendo ás disposicións da Lei do Solo de
Galicia, á Lei de Prevención e Defensa contra os Incendios Forestais e a Lei de Montes, o Concello da Laracha tramitou durante este ano máis de 200 expedientes para notificar a necesidade de acometer a limpeza de parcelas privadas aos seus propietarios que, segundo os informes da Policía Local, non cumprían o establecido nas citadas leis.

A aqueles que foron notificados e non acometeron as actuacións oportunas o Concello comezará nos próximos días a impoñerlles multas coercitivas, que poden oscilar entre 1.000 e 10.000 euros, como medio de execución forzosa para que procedan a dar cumprimento das súas obrigas.

Todos os anos, o Concello larachés desenvolve unha campaña informativa entre a veciñanza sobre estas cuestións, con especial incidencia na primavera e no verán por tratarse das épocas de maior crecemento da biomasa, aínda que tamén nos meses restantes levan a cabo actuacións dirixidas a cumprir as condicións de seguridade, hixiene, salubridade e ornato público dos terreos privados.

Aínda que hai casos nos que non son atendidos os requerimentos municipais, o Concello “agradece á veciñanza a súa implicación e sensibilización co mantemento en bo estado de conservación das parcelas privadas, dado que por norma xeral ditos labores se acometen en tempo e sen necesidade de requerimentos previos”, aseguran dende o goberno municipal larachés. M. r. l.

16 sep 2020 / 19:11
Noticia marcada para leer más tarde en Tu Correo Gallego
TEMAS
Tema marcado como favorito
Selecciona los que más te interesen y verás todas las noticias relacionadas con ellos en Mi Correo Gallego.