Touro presenta a nova aplicación para o turismo

touro. O Concello de Touro presentou a súa nova App, unha ferramenta informática coa que fomentar as visitas ao concello. Dispoñible online, a nova aplicación turística de Touro permite que os visitantes gocen da experiencia de coñecer o municipio comodamente a través do seu dispositivo, informa o Concello. Así, a nova APP de Turismo de Touro inclúe contidos sobre os recursos naturais e culturais máis destacados, festas, aloxamentos, restauración e outros servizos de interese para os viaxeiros. A APP pode descargarse de xeito gratuíto en dispositivos Android e iOS e está dispoñible en seis idiomas: galego, castelán, inglés, francés, alemán e portugués. arca