A conselleira de Medio Ambiente, en corentena por contacto cun positivo en covid
Ángeles Vázquez anulou este luns á primeira hora toda a súa axenda pública.
A conselleira de Medio Ambiente, Territorio e Vivenda, Ángeles Vázquez, deberá gardar corentena por manter contacto cunha persona diagnosticada con covid-19.
Fontes da Xunta consultadas por Europa Press ratificaron que a conselleira atópase ben, pero ten que gardar corentena. Este luns á primeira hora Vázquez anulou toda a súa axenda pública.
"Por contacto cunha persona positiva en coronavirus, debo gardar a corentena antes de retomar a miña axenda pública", trasladou na súa conta da rede social Twitter.
Vázquez é a segunda conselleira do Executivo autonómico que se ve obrigada a illarse por contacto cun positivo en coronavirus.
Previamente, o pasado mes de setembro, foi o titular de Educación, Román Rodríguez, o que anunciaba que tiña que gardar corentena após o contacto cun positivo na súa contorna persoal.
SANTIAGO. EUROPA PRESS