Arteixo, Viveiro e Xinzo pecharán a hostalaría e suspenderán actividades non esenciais
Suprímense as competicións do deporte federado agás as de ámbito estatal // Dispáranse os datos de incidencia acumulada nas grandes cidades
Agora mesmo a Xunta non contempla crear hospitais de campaña
O conselleiro de Sanidade di que agora mesmo non está enriba da mesa a posibilidade de habilitar hospitais de campaña en Galicia
Sanidade, a favor de adiantar o toque de queda
O conselleiro manifesta que a Xunta está a favor de adiantar o toque de queda e remite ao que dispoña o Ministerio.
12.000 probas diarias en Galicia
Galicia está realizando na actualidade 12.000 probas diagnósticas diarias, PCR nasofaríonxeas ou de saliva, e test de antíxenos que están nos servicios de urxencias e nos Puntos de Atención Continuada (PAC).
Entrada en vigor das medidas o xoves
As medidas tomadas entrarán en vigor, unha vez publicadas no DOG, na noite do mércores ao xoves, é dicir, ás 00:00 horas deste xoves.
Daranse instrucións para o uso de vestiarios de ximnasios
O conselleiro indica que se darán instrucións específicas para o uso, nos lugares nos que se poida, dos vestiarios dos ximnasios.
O deporte federado pode competir no ámbito estatal, o resto suspéndese
No deporte federado mantéñense as competicións de ámbito estatal, tanto de xogo como entrenamentos. No resto de deportes federados suspéndense as competicións. Os entrenos serán dunha persoa ou dun máximo de catro.
As medidas especiais en Arteixo, Viveiro e Xinzo
Medidas especiais en Arteixo, Viveiro e Xinzo. Suspensión de actividades non esenciais. Peche completo da hostalaría, que só poderá servir a domicilio. Pecharán ximnasios, xogo, actividades culturais ou sociais, espectáculos e bibliotecas. Poderán funcionar os comedores escolares ou os de centros de traballo.
Máis presión hospitalaria
Aumentan as chamadas ao 061, ata 4.000 diarias, o 18% correspondentes a COVID. Sobe a ocupación hospitalaria convencional, especialmente na Coruña, Ferrol e Ourense, e en críticos, especialmente na Coruña, Ferrol e Santiago. Tamén Pontevedra e Vigo sofren o incremento. Aumentan as urxencias.
Dispáranse os datos de incedencias acumuladas
As Incedencias acumuladas a 14 días van incrementándose de forma notable:
Santiago: de 334 a semana pasada a 555 actualmente
A Coruña: 302 a 509
Ferrol: de 295 a 410
Ourense: de 295,5 a 536
Vigo: de 200,8 a 309
Pontevedra: arredor de 300 actualmente
Vigo: de 115 a 161
En Pontevedra e Vigo os índices de positividade das PCR superan o 10%.
Máis cribados poboacionais con PCR e test de antíxenos
Sanidade está incrementando os cribados poboacionais utilizando as probas PCR nasofarinxeas e de saliva combinadas con test de antíxenos.
Arteixo, Viveiro e Xinzo pecharán hostalaría e suspenderán actividades non esenciais
Hai concellos con incidencias acumuladas por riba de mil por cada 100.000 habitantes. Arteixo, Viveiro e Xinzo. Terán que facer un maior esforzo por esa situación. Son poboacións de máis de 10.000 habitantes nas que haberá peche completo de hostalaría e suspensión de actividades non esenciais
Os concellos que se incorporan ao nivel máximo
Na área sanitaria de Santiago pasan a aplicar as medidas máis duras dez concellos: Ordes, Teo, A Baña, Negreira, Padrón, Rois, Dodro, Touro, Arzúa e Silleda. Outros doce concellos dos que pasan ao nivel máis alto pertencen á área da Coruña. Son Betanzos, A Laracha, Sada, Abegondo, Cabana de Bergantiños, Coristanco, Dumbría, Muxía, Oza-Cesuras, Sobrado e Vilasantar. Na área Ferrolá, engádese Cariño, Cedeira, Cerdido, Mañón, Moeche, Mugardos, Neda, San Sadurniño e Valdoviño. Respecto á área de Lugo, o comité decidiu onte propor o endurecemento de restricións en Burela, Cervo e O Vicedo, mentres que na a área de Ourense serán Celanova, Porqueira, Ribadavia, Trasmiras e Vilar de Santos. Súmanse así mesmo ás limitacións máximas, na área sanitaria de Pontevedra, A Lama, Catoira, Forcarei, Meis e Moraña. Finalmente, na área de Vigo quedan baixo as restricións máis duras Gondomar, Mos, Nigrán, O Porriño, Arbo, A Cañiza, As Neves, Crecente, Mondariz e Salceda de Caselas.
Situación preocupante e de claro crecemento
O conselleiro, Julio García Comesaña, describe unha situación preocupante de claro crecemento. Recorda que un número importante de concellos (55) se incorporaron ao nivel máximo de restricións. Entre eles están Vigo e Pontevedra.