Baixan os casos activos en Ourense, Pontevedra e Lugo, e os novos positivos suman 247
Nas últimas 24 horas contabilizáronse 6 falecementos. Hai 42 pacientes na UCI
A Consellería de Sanidade, na súa última actualización, suma 247 novos positivos por covid en Galicia. Son 5 menos que onte. Mentres, o número de casos activos sitúase en 4.569, 32 menos. Deles, 770 son da área da Coruña, 5 máis, 467 da de Lugo, 8 menos, 1.592 da de Ourense, 13 menos, 419 da de Pontevedra, 50 menos, 534 da área de Vigo, 22 máis, 639 da de Santiago, 11 máis, e 148 da de Ferrol, 1 máis.
Do total de pacientes positivos, 42 están en UCI, 1 máis, 223 en unidades de hospitalización, 5 máis, e 4.304 no domicilio, 38 menos. Polo de agora, en Galicia hai un total de 22.550 persoas curadas, 273 máis. Nas últimas 24 horas rexistrándose 6 falecementos, elevando a cifra total a 803.
Os datos de Sanidade relativos ás escolas infantís e aos centros de ensino non universitario, reflicten que o número de positivos en toda Galicia é de 484, 2 menos. Hai 25 aulas, 2 máis, e un centro pechados.
O número de PCR realizadas é de 566.061.
