La rueda de prensa, minuto a minuto
Só Beade permanece no nivel máximo de restricións. O conselleiro de Sanidade confirma que se vai vacinar tódolos días da Semana Santa. Preocupa o aumento de casos en Vigo.
Vacinarase tódolos días da Semana Santa
A preguntas dos xornalistas, o conselleiro de Sanidade confirmou que se vai vacinar "tódolos días da Semana Santa, incluidos xoves, venres, sábado e domingo". A estimación, dixo, é dunhas 100.000 vacinas, se ben dependerá das citas e das persoas que poidan acudir a elas. Detallou que disporanse 32.000 vacinas para a primeira dose dos maiores de 80 anos, 17.000 para a segunda dose deste mesmo colectivo, e 4.900 para o grupo de traballadores esenciais.
Lei de Saúde de Galicia
O conselleiro sinala que salvo unha chamada da ministra, a Xunta non ten ningunha outra información sobre a decisión do Goberno central de interpoñer un recurso de inconstitucionalidade contra a modificación da Lei de Saúde de Galicia. Insiste García Comesaña en que é unha norma necesaria para "mellorar a seguridade xurídica de todas as decisións que tomamos".
O cidadán saberá que vacina se lle puxo
Preguntado polo certificado de vacinación que vai habilitar Galicia, García Comesaña confirmou que o cidadán poderá saber que vacina se lle puxo e de que lote.
Maiores de 80 anos
Onte recibíronse 57.000 dose de Pfizer e a semana próxima serán máis. Confía o conselleiro en que nos vindeiros días se poida rematar de vacinar aos maiores de 80 anos.
Cuarta ola
García Comesaña afirma que desde Sanidade traballan intensamente para que non se chegue a dar un novo incremento de casos. De producirse, "tomaranse medidas preventivas para frear os contaxios".
Máscaras na praia
O doutor Vázquez Lima, membro do comité clínico, ve con bos ollos que se obrigue a empregar a máscara na praia en todo momento, mentres a porcentaxe de vacinación non sexa máis alta.
A vacinación seguirá na Semana Santa
Julio García Comesaña confirmou que durante a Semana Santa seguirá o proceso de vacinación. Ata o momento foron administradas en Galicia 462.095 dose. Hai 166.556 galegos cunha dose, e 147.759 xa coas dúas. A prioridade agora mesmo, ademais de seguir vacinando aos profesionais dos traballos esenciais, é rematar de vacinar aos maiores de 80 anos. Deste último grupo está vacinado o 60%.
Cribados en Alvedro, Lavacolla e Peinador
Continúan os cribados no aeroporto da Coruña, a onde chegan uns 450 pasaxeiros díarios, aos que se lles ofrece a posibilidade de facer o test de forma gratuita e voluntaria. Desde hoxe tamén se farán as probas nos aródromos de Lavacolla e Peinador.
Chamamento para doar sangue
O conselleiro de Sanidade fai un chamamento á poboación para que vaia doar sangue antes dos festivos de Semana Santa, polo previsible aumento da demanda.
Preocupación pola evolución en Vigo
O conselleiro de Sanidade expresa a súa preocupación polo aumento de casos de COVID en Vigo
Galicia habilitará un certificado de vacinación
O conselleiro de Sanidade explicou que, á espera de que entre en vigor o certificado dixital verde da Unión Europea en xuño para impulsar a mobilidade, na primeira quincena de abril Galicia porá en marcha un certificado de vacinación, firmado dixitalmente. Será substituído polo certificado dixital verde en canto sexa posible. Ese certificado conterá un códico QR. En formato dixital estará accesible a toda a cidadanía na aplicación PASS COVID. Tamén será accesible desde É Saúde ou Sergas Móbil. Tamén se poderá acceder a él en formato papel nas áreas administrativas para quen o precise.
Situación asistencial
José Flores, xerente do Sergas, confirma que hai 2.100 personas con COVID que están a ser atendidas nos domicilios. A central do 061 recibe unha media de 2.700 chamadas diarias, o 10% delas relacionadas co coronavirus. Nas urxencias a situación é "similar á dunha data normal". Todos os plans de continxencia dos hospitais galegos está no nivel 1. En camas convencionais a ocupación por pacientes COVID é do 2,32%, un 10,5%, e nas UCI do 5,24%, un 37,5% menos
Variantes do COVID
A día de hoxe hai confirmados en Galicia 192 casos da cepa británica e 1 da sudafricana
Situación por áreas sanitarias
Por áreas sanitarias, A Coruña é a que ten unha maior incidencia a 14 días, e Ourense a que menos. No tocante ás cidades, a 7 días a incidencia acumulada pasou na Coruña de 72 a 67 e en Ferrol de 40 a 35. Tamén baixou en Lugo e Ourense, mentres en Vigo subiu ao pasar de 50 a 56.
Situación estable en Galicia
Carmen Durán, directora xeral de Saúde Pública explica que a incidencia acumulada a 7 días é en Galicia de 35, e a 14 días, de 70. Baixou lixeiramente con respecto a hai unha semana
Só Beade en nivel máximo
Logo de examinar a situación epidemiolóxica de Galicia, só Beade seguirá en nivel máximo de restricións a partir do venres. Quedan en nivel alto Abegondo, Baiona, Cortegada, O Irixo, Ortigueira, Padrenda, Pazos de de Borbén, A Pobra do Brollón, Rábade, Sanxenxo e O Saviñao. Mentres, en nivel medio estarán os concellos de Vilardevós, Celanova, O Carballiño, Ribadavia, Xinzo, Cangas, Moaña, Gondomar, Meis, Bergondo, Boimorto, Carral, A Coruña, Laracha, Arteixo, Betanzos e Camariñas.
Sanidade reclama máis vacinas
O conselleiro de Sanidade comparece tras a reunión do comité clínico. Afirma que a vacinación está a provocar un acusado descenso de casos nas residencias e reclama máis vacinas para poder apurar o proceso