A Pobra organiza para mañá unha sesión de contacontos en inglés
S. SoutoSUSO SOUTO
A patronal de Ribeira organiza unha nova campaña comercial con motivo do Día da Nai e na que poderán participar quenes rexistren na web da entidade as compras e consumicións feitas entre o venres 19 de abril e o domingo 5 de maio. Os premios desta campaña son: un vale para realizar compras por valor de 1.000 euros, nun día en concreto a determinar entre a Asociación de Empresarios e a persoa gañadora, nos establecementos participantes nesta campaña, como data máxima antes do 31 de maio e nos tres sectores que participan na iniciativa (comercio, hostalería e restauración); vinte entradas para unha sesión de masterclass de estilismo; e catro cestas da compra valoradas en 50 € cada unha. So se poderá facer un
rexistro por operación de compra ou consumición, e cada operación rexistrada equivale a unha participación.
A aula de estudo situada na planta superior da biblioteca municipal Victoriano García Martí da Pobra do Caramiñal acollerá este sábado día 20, a partir das once da mañá, a sesión de contacontos en inglés que leva por título Storytelling Sally Senses, que organiza a academia Kids&Us Ribeira coa colaboración da concellería de Cultura da Pobra do Caramiñal. Esta actividade oriéntase a crianzas con idades comprendidas entre os tres e os seis anos “para que, dende idades temperás, os cativos se vaian familiarizando co inglés a través de contos. Deste xeito, xa van captando conceptos básicos e relacionándoos con situacións das historias que se van narrar”, explica ao respecto a concelleira de Cultura, Patricia Lojo. As persoas que estén interesadas en participar na citada actividade poden contactar con dito departamento municipal para facer as inscricións.
- El Correo Gallego - Diario de la capital de Galicia
- Ocio nocturno en Compostela: un viaje nostálgico a la era dorada de los 80 y 90
- Así es el original mirador de Santiago que permite sacar la fotografía más buscada de la Catedral
- El creador de ‘El caso Asunta’ revela nuevos detalles de la ficción que narra el crimen más mediático de Santiago de Compostela
- Acciona se asocia con Nissan para la distribución en Europa de su nuevo nanocar Silence S04
- Así es el impresionante palacete que recuerda a Downton Abbey: a la venta en Santiago de Compostela
- Las ventas de coches cierran el primer cuatrimestre en Galicia con un aumento de casi el 16%, el doble que en España
- Detenido un joven en un piso de Santiago tras intervenirle cinco kilos de hachís y un centenar de pastillas