O recinto ferial de Amio acolle este sábado a XXIV edición da Festa dos Maiores
Volve a cita de referencia para os nosos maiores cun xantar popular a partir das 14:00 horas
![Imaxen de archivo da Festa dos Maiores en Amio](https://estaticos-cdn.prensaiberica.es/clip/219479b3-49fe-40c0-b747-a3168513b0d8_16-9-discover-aspect-ratio_default_0.jpg)
Imaxen de archivo da Festa dos Maiores en Amio / Antonio Hernández
Redacción
Un ano máis volve a cita de referencia para os nosos maiores, na que é xa a súa 24 edición, cun xantar popular a partir das 14:00 horas, con sobremesa amenizada polo Grupo Alaska e José Manuel "Abanico" a un prezo adaptado a todos os petos de 7,50 euros. Para facilitar o acceso ao recinto ferial de Amio, o Concello porá á disposición dos asistentes un servizo especial de ida desde a praza de Galicia ata Amio, de 12:00 a 14:00 h, e volta, desde as 17:00 ata as 19:00 h. O xantar contará coa presenza do alcalde de Santiago e un nutrido número de membros da Corporación municipal.
Ademais, na programación das Festas para a xornada de mañá, sábado 20, tamén está o XIII Festival Batebatuke que se desenvolverá a partir das 10:00 h; o ciclo "Escolas de Baile Tradicional", ofrecido polas agrupacións folclóricas da cidade como Cantigas e Agarimos, Ultreia ou Brincadeira, que terá lugar en diferentes espazos da cidade; e a final da XLVI edición torneo da Chave, na Alameda compostelá ás 17 h.
Pola tarde, o Centro Xuvenil Don Bosco ofrece a charla de Chusa Pérez de Vallejo "El tango es una historia" a partir das 16 h, e varios locais da cidade acollerán desde as 20 h as interpretacións de varios grupos de Cantos de Taberna cunha actuación conxunta final. O mesmo día pola tarde, o CSC Maruxa e Coralia ofrece un obradoiro para todas as persoas interesadas neste tipo de cánticos populares.
Xa cara a noite, o público poderá gozar da boa música coa actuación do Orfeón Terra A Nosa na igrexa de San Domingos de Bonaval ás 20 h e o concerto de Nena Daconte partir das 22:00 na praza da Quintana, patrocinado por Estrella Galicia.
Domingo 21
O último día das Festas arrancará coas tradicionais alboradas, neste caso a cargo da A.V Brañas de Andrés a partir das 10:00 h, hora de comezo tamén da XXII edición da Volta Ciclista da Ascensión, con saída desde a avenida de Xoán Carlos I, unha cita deportiva que volve tras sete anos á Alameda e contará coa participación de máis de 200 deportistas.
O desfile de Batebatuke (13 h), o espectáctulo 'Rock & Magic' do Mago Teto (19 h) e o concerto DJ sinfónico da Banda Municipal de Santiago co artista dixital Pere Vicalet completarán a xornada que ofrecerá como broche final o concerto de Ortiga e Pili Pampín a partir das 22 h na praza da Quintana.
Punto Lila
Como en anos anteriores, está dispoñible un punto lila na Alameda, en horario de oito da tarde a unha a madrugada, co obxectivo de e informar, e protexer, darlle seguridade tanto ás mulleres como ás persoas do colectivo LGTBI.
Durante os días de duración das Festas, a Alameda volverá a acoller as populares atraccións para deleite dos máis pequenos.
Toda información do programa estará dispoñible na páxina web municipal e nas redes do Concello.
- El Correo Gallego - Diario de la capital de Galicia
- La lluvia reaparece en el verano de Galicia: este es el pronóstico de MeteoGalicia para el fin de semana
- La misa y ofrenda floral en honor a Rosalía de Castro congregan a más una treintena de instituciones gallegas
- Dos menores heridas en Muros al saltar desde un puente cuando pasaba un barco por debajo
- Impresionante chalet de ensueño en Santiago de Compostela: a 10 minutos del centro y 30 de la playa, todo un lujo a buen precio
- Esta es la aldea gallega que se encuentra al borde de los acantilados más altos de Europa: en la provincia de A Coruña
- La ola de calor se atenúa en Galicia: el alivio será temporal porque así se prevé el tiempo
- Os premios Alba de Compostela conseguen unir a todos os membros da Corporación local