Verea “non renuncia” á conexión do tren con Lavacolla e creará unha estación de mercadorías na Sionlla
Súmase á aposta pola xestión integral da auga porque “é unha débeda pendente coa veciñanza”
![Imagen de archivo del aeropuerto Rosalía de Castro en Compostela](https://estaticos-cdn.prensaiberica.es/clip/5b20af99-f1ed-4a38-951c-b898978f2857_16-9-discover-aspect-ratio_default_0.jpg)
Imagen de archivo del aeropuerto Rosalía de Castro en Compostela / ECG
O candidato do Partido Popular (PP) á Alcaldía de Santiago, Borja Verea, aproveitou na mañá de onte o encontro para a sinatura da nova folla de ruta co Foro Cívico, na que participaron as catro formacións actualmente representadas no Pleno, para incidir en que Santiago non pode renunciar á conexión ferroviaria co aeroporto Rosalía de Castro-Lavacolla, incluído xa no Plan Xeral de 1989, e para o que hai reservado un espazo de 73.000 m2 porque isto permitiría “consolidar a industria existente na cidade”.
Seguindo coa cuestión ferroviaria, o candidato popular fixo tamén o anuncio de que se gaña as eleccións creará unha estación de mercadorías no polígono da Sionlla, e pide ao goberno central que realice un estudo da súa viabilidade.
Neste mesmo encontro, coas asociacións, institucións e colexios profesionais composteláns, Borja Verea explicou as súas propostas para o aparcamento do CHUS (Complexo Hospitalario Universitario de Santiago), a vivenda, o ciclo da auga, o turismo, a concesión de licenzas e a creación da oficina ‘SantiagoInviste’.
Ao respecto disto último, o candidato popular afirma que permitiría captar investimentos para crear emprego e negocio.
Canto ao aparcamento do Hospital Clínico, Verea propón unha solución integral para crear 2.000 prazas de estacionamento repartidas en catro pisos, aproveitando a pendente do terreo, nunha superficie total de 46.000 m2, o que permitiría eliminar o aparcamento en superficie e crear unha área peonil.
As solucións do candidato do PP á Alcaldía pasan tamén pola creación dun bono vivenda para mobilizar os edificios baleiros mediante incentivos aos propietarios, ademais de permitir a habilitación de vivendas en baixos comerciais e a flexibilización do plan especial e da normativa do casco histórico.
Canto á xestión do ciclo da auga, Verea considera que esta debe ser “integral” xa que é “unha débeda pendente coa veciñanza”. “Esta xestión quedou paralizada, a pesar de todas as prórrogas que tivo o actual contrato de abastecemento de auga, polo que empezarei a traballar para atopar unha solución que garanta este servizo público, cun modelo eficiente que renove e mellore a rede de saneamento e abastecemento, levándoa a zonas como o rural, onde aínda non existe”, explicou.
Verea tamén promete axilizar a concesión de licenzas e facer unha xestión e promoción de turismo de calidade, con “valor engadido”.
- El Correo Gallego - Diario de la capital de Galicia
- La lluvia reaparece en el verano de Galicia: este es el pronóstico de MeteoGalicia para el fin de semana
- La misa y ofrenda floral en honor a Rosalía de Castro congregan a más una treintena de instituciones gallegas
- Dos menores heridas en Muros al saltar desde un puente cuando pasaba un barco por debajo
- Impresionante chalet de ensueño en Santiago de Compostela: a 10 minutos del centro y 30 de la playa, todo un lujo a buen precio
- Esta es la aldea gallega que se encuentra al borde de los acantilados más altos de Europa: en la provincia de A Coruña
- La ola de calor se atenúa en Galicia: el alivio será temporal porque así se prevé el tiempo
- Os premios Alba de Compostela conseguen unir a todos os membros da Corporación local