De comer de pícnic no Obradoiro a queimar as pertenzas: faltas de civismo no Camiño
Os comportamentos irrespectuosos afectan negativamente non só a veciñanza, senón tamén a experiencia doutros visitantes, así como a contorna e a cultura de Santiago
Redacción
Como ruta milenaria chea de historia, espiritualidade e beleza natural, o Camiño de Santiago atrae a miles de peregrinos e turistas cada ano, en tendencia crecente. Pese ao bo compartamento xeral, lamentablemente, en ocasións obsérvanse outros de mala educación por parte dalgunhas persoas que afectan negativamente non só a veciñanza, senón a experiencia doutros camiñantes, así como a contorna e a cultura local.
O últimos destes comportamentos inaxeitados denunciábao nas redes un veciño de Compostela que retrataba, a modo de bodegón humano, dous homes tirados no medio e medio do Obradoiro, descalzos, sen camiseta e co seu pícnic completo despregado no chan.
Situacións coma esta repítense case a diario en distintos puntos da cidade Patrimonio da Humanidade. Esta zona de Santiago abarca monumentos históricos e lugares sacros para moitos peregrinos, polo que comer alí pode ser considerado como unha falta de respecto cara á historia e a espiritualidade do lugar. É importante buscar áreas designadas para comer ou gozar da gastronomía local sen afectar os lugares de interese.
Gritar e cantar a viva voz
O Camiño de Santiago é un lugar de reflexión, espiritualidade e paz. Con todo, algúns peregrinos optan por gritar, cantar ou realizar cánticos ruidosos mentres camiñan ou ao chegar a destino e entrar en Compostela. Estes comportamentos perturban a tranquilidade doutros peregrinos, dos residentes locais e das comunidades que viven ao longo da ruta. É necesario lembrar que o respecto polos demais e a contorna é fundamental para unha convivencia harmoniosa no Camiño.
Abandonar e queimar pertenzas
Outra das denuncias habituais son de casos nos que algúns peregrinos deciden abandonar, e mesmo queimar, as súas pertenzas durante o Camiño de Santiago ou ao chegar ao seu destino final. Estes comportamentos non só afectan a estética da contorna, senón que tamén son prexudiciais para o medio ambiente. É fundamental lembrar que o Camiño é un lugar de respecto e coidado mutuo, e non debe ser tratado como unha entulleira ou unha zona de refugallo.
- Este es el barrio más caro de Santiago para comprar una vivienda
- Fiestas de la Ascensión 2024 en Santiago: consulta aquí todos los horarios del programa
- Caso Asunta: la carta íntegra que Basterra hizo llegar a Porto dentro de la cárcel antes de ser condenados
- Los 40 y el polémico concierto de la Panorama dan el pistoletazo de salida a las fiestas de la Ascensión
- El furor por el ramen llega a Santiago: así son los tres nuevos restaurantes que acaban de abrir sus puertas en el último mes
- Caamaño prevé cerrar esta semana los cambios en Sanidade: ¿Habrá relevo en la gerencia de Santiago?
- El bingo de las Fiestas de la Ascensión: ocho planes que debes hacer sí o sí durante estas fechas en Santiago
- Raxoi sopesa cambiar el uso del edificio previsto para el parque de Bomberos en Salgueiriños