O barrio de San Pedro trasnoita a ritmo de folk na primeira noite grande das súas tradicionais Festas
Centos de persoas encheron o torreiro para ver os concertos de Caamaño e Ameixeiras e As Boubas.
Hoxe é a 'Noite do Lastro' con Mondra, Sacha na Horta e O Sonoro Maxín.
Cristina S. Marchán
A primeira xornada con programación nocturna das 20º Festas do Barrio de San Pedrocongregou onte a centos de veciños e veciñas de Compostela, e tamén a algúns visitantes, turistas e peregrinos, cun programa no que a música tradicional e o baile foron protagonistas.
A tarde comezou cun obradoiro de baile tradicional impartido por Chus Caramés. Un nutrido grupo, de polo menos 30 persoas, aprendeu os puntos básicos, o que lles preparou para o que ía vir.
Cando pasaban uns minutos das 22:00, Sabela Caamaño e Antía Ameixeiras subiron ao escenario para ofrecer un precioso concerto, misturando o festivo co íntimo. Nun ambiente distendido, no que dixeron "sentirse como na casa, en familia", foron desgranando un repertorio de temas xa coñecidos e algúns inéditos, no que non faltaron as colaboracións. Foi especialmente emotivo o último 'bis', no que un coro popular dunhas 15 persoas subiu ao escenario para interpretar unha épica versión de "O meu amor se tu fores", popularizado por Leilía.
A continuación foi o turno do conxunto de pandereteiras 'As Boubas', unha agrupación de mulleres ben coñecidas en Compostela e tamén no propio barrio de San pedro. As pandereteiras amosaron que o seu estilo purista, ben pegado á tradición oral e de recollida, sigue a ser unha fantástica forma de animar ao público, que non deixou de bailar en distintas rodas que remataron ocupando boa parte do torreiro da festa.
Xa ao filo da madrugada, a xornada festiva pechaba cunha foliada aberta na que cada quen participou cos seus instrumentos.
Programa das FBSP para o venres 30 de xuño
Para o venres 30 de xuño, a Comisión de Festas preparou un programa variado, con oco para propostas infantís e familiares, científicas e culturais, no que tampouco faltará a música grazas aos concertos da 'Noite do Lastro'.
Horarios e propostas
- 17:00 Xincana Seteportas. Saída dende o Cruceiro.
- 18:00 Pasarrúas das cabezudas e os Cincocentos
- 19:00 Concertos na Almáciga e na Praza da Angustia.
- 20:30 Carauta Teatro, no Don Bosco.
- 22:00 NOITE DO LASTRO
- Mondra (22h)
- Sacha Na Horta (23:30)
- O Sonoro Maxín (01:00)
- La tienda temática de Harry Potter más grande de España abre sus puertas en Santiago
- Estrella Galicia lanza la canción del verano: así suena el tema compuesto por un popular artista compostelano
- La heredera de Rosario Porto logra vender el chalé de Teo donde fue asesinada Asunta
- La Urbana llega a Santiago: el nuevo local de hamburguesas abrirá esta semana en Cancelas
- El jefe de la Policía Nacional de Santiago cesa de su cargo y se va a la Comisaría de La Rioja
- La residencia de estudiantes del viejo hospital de Galeras costará unos 900 euros al mes
- La heredera de Rosario Porto cerró la venta del chalé de Teo en 150.000 euros
- Solo 15 edificios de más de 50 años han pasado la ‘ITV’ obligatoria en Santiago con el plazo a punto de vencer