Galardóns best in class
Cardioloxía e Infectoloxía Pediátrica do CHUS, mellores servizos de España
Veñen de recibir o premio que promove 'Gaceta Médica' e a cátedra de innovación e xestión sanitaria da Rey Juan Carlos
Redacción
O Servizo de Cardioloxía e a Unidade de Infectoloxía Pediátrica da área sanitaria de Santiago e Barbanza recollen o premio como mellores servizos de España na XVIII Edición dos Best In Class (BIC) promovidos anualmente polo diario de información sanitaria Gaceta Médica e a cátedra de Innovación e xestión sanitaria da Universidad Rey Juan Carlos, coa finalidade de “promover a calidade asistencial nos hospitais e centros de saúde”. A mención de honra recaeu na Unidade de Reanimación na categoría de Medicina Intensiva/UCI.
O CHUS ven de ser recoñecido como un dos cinco mellores hospitais de alta complexidade, e conta con 10 servizos ou unidades tamén entre os cinco mellores: Farmacia Hospitalaria, Farmacia Hospitalaria Oncolóxica, Medicina Preventiva e Saúde Pública, Microbioloxía, Oncoloxía, Investigación en Oncoloxía, Patoloxía Dixestiva, Reumatoloxía, Traumatoloxía e Cirurxía Ortopédica e Unidade CAR-T.
O Servizo de Neuroloxía e o Centro de Saúde da Estrada recibiron un recoñecemento de excelencia clínica, mención especial por ser elixida a mellor nas últimas 4 edicións.
O obxectivo destes premios é recoñecer aos mellores servizos e unidades estatais, hospitais e centros de saúde, tanto públicos coma privados, que buscan a excelencia na atención aos seus pacientes. A concesión baséase na puntuación obtida polos candidatos co Índice de Calidade Asistencial ao Paciente, a partir da análise multivariable dos indicadores de calidade recollidos nos cuestionarios de autoavaliación dos hospitais e centros de atención primaria.
Os gañadores recibiron o diploma acreditativo nun acto onte en Valencia, no que a xerente da área, Eloína Núñez, agradeceu “o traballo, o esforzo e a dedicación dos profesionais por manter aos centros da área compostelá nos primeiros postos en canto a calidade asistencial“, e os animou a “continuar neste camiño, que non é outro que a busca da mellor atención aos pacientes”.
- El Correo Gallego - Diario de la capital de Galicia
- La lluvia reaparece en el verano de Galicia: este es el pronóstico de MeteoGalicia para el fin de semana
- La misa y ofrenda floral en honor a Rosalía de Castro congregan a más una treintena de instituciones gallegas
- Dos menores heridas en Muros al saltar desde un puente cuando pasaba un barco por debajo
- Impresionante chalet de ensueño en Santiago de Compostela: a 10 minutos del centro y 30 de la playa, todo un lujo a buen precio
- Esta es la aldea gallega que se encuentra al borde de los acantilados más altos de Europa: en la provincia de A Coruña
- La ola de calor se atenúa en Galicia: el alivio será temporal porque así se prevé el tiempo
- Os premios Alba de Compostela conseguen unir a todos os membros da Corporación local