Investigadores do IDIS acadan dous millóns para medicina personalizada en cardioloxía
O principal obxectivo é predicir o risco de desenvolvemento de cardiotoxicidade inducida por antitumorais
ECG
Investigadores do Instituto de Investigación Sanitaria de Santiago de Compostela (IDIS) veñen de acadar case dous millóns de euros de financiación para desenvolver dous proxectos de investigación en medicina personalizada no ámbito da cardioloxía. Ambos buscan ferramentas útiles que se poidan empregar directamente nas consultas cos doentes, queren atopar marcadores predictivos, un centrado nos riscos cardiovasculares de determinados tratamentos oncolóxicos e o segundo estudo pretende achegar información que mellore o diagnóstico e tratamento da Fibrilación Auricular.
Baixo o título Predición de risco de cardiotoxicidade nas unidades de cardio-oncoloxía. Valor da xenética e diferentes biomarcadores. O rexistro CARDIOTOX, (CARDIOTOX-PMP) (PMP22/00098), os investigadores responsables son José Ramón González Juanatey e María Brión, e acadaron un financiamento de 959.970,00 € do Instituto de Salud Carlos III (ISCIII) con fondos Next Generation EU para desenvolvelo ao longo dos vindeiros tres anos.
O principal obxectivo é predicir o risco de desenvolvemento de cardiotoxicidade inducida por antitumorais permitindo a toma de decisións clínicas e preventivas para reducir a súa incidencia, así como minimizar ou evitar os resultados cardiovasculares adversos asociados.
Como subliña o doutor Juanatey, xefe do servizo de Cardioloxía do CHUS, “a pesar do gran éxito obtido os últimos anos no tratamento do cancro, os efectos secundarios cardio-tóxicos persistentes das terapias antitumorais seguen supoñendo unha causa importante de morbimortalidade nos sobreviventes do cancro”.
- Ocio nocturno en Compostela: un viaje nostálgico a la era dorada de los 80 y 90
- Así es el original mirador de Santiago que permite sacar la fotografía más buscada de la Catedral
- El creador de ‘El caso Asunta’ revela nuevos detalles de la ficción que narra el crimen más mediático de Santiago de Compostela
- Un alumno del Colegio Peleteiro de Santiago arrasa en la Olimpiada Española de Química: se lleva el bronce tras hacer doblete en Galicia
- Un hotel de Santiago se cuela entre los mejores de España al ganar la nueva distinción de la Guía Michelin
- Así es el impresionante palacete que recuerda a Downton Abbey: a la venta en Santiago de Compostela
- La USC nombra dos nuevos doctores "honoris causa
- Detenido un joven en un piso de Santiago tras intervenirle cinco kilos de hachís y un centenar de pastillas