Mobilidade en Compostela
Desvíos no bus urbano este martes por mor da concentración de tractores
Haberá cortes de tráfico puntuais entre as 8 e as 22 horas na área de San Caetano
Redacción
A previsión de concentración de tractores para este martes 20 de febreiro, entre as 8 da mañá e as 22 horas obriga a cortar puntualmente o tráfico na área dos edificios administrativos da Xunta en San Caetano, concretamente nas rúas Rodríguez de Viguri, Ánxel Casal e San Caetano. Unha previsión que tamén afecta as liñas de autobuses urbanos que circulan pola zona, e que verán provisionalmente desviado o seu itinerario.
A partir das 8 horas as liñas 5, 6, 6A, 9, C2, C4, C6, P2 e P7 realizarán desvíos. Así a liña 5 desviarase na súa circulación sentido Vite dende Pastoriza á avenida Castelao, e en direción Á Rocha pasará directamente desta última avenida a Xoán XXIII. As liñas 6 e 6A cara a San Marcos e ao aeroporto de Lavacolla-Rosalía de Castro desviarase dende a Pastoriza por San Caetano. Na súa circulación cara á rúa do Hórreo e a Os Tilos, pasará dende a rúa Valiño e o CEIP Monte dos Postes cara á rotonda da avenida do Camiño francés.
As liñas 9 e C6 cara á Cidade da Cultura e o polígono de Costa Vella tamén sufrirán alteracións, circulando por San Caetano. Os buses que cobren o traxecto das liñas C2 e C4 evitarán a zona de Anxo Casal, Rodríguez de Viguri e da praza Camilo Díaz Baliño. No caso do bus C2 desviarase da avenida Castelao por San Caetano cara ao Camiño francés; e a liña C4 pasará desta última rúa pola praza de Espeña cara a San Caetane a avenida Castelao.
As liñas P2 e P7 (nas prolongacións a San Caetano), xirarán logo da Pastoriza pola praza de España para iniciar o percorrido no sentido contrario. O Concello informa de que por mor destes desvíos haberá paradas que queden temporalmente suprimidas.
- Salta la polémica por la actuación de la Panorama en la fiestas de la Ascensión: ¿es el Obradoiro el mejor lugar?
- El dueño de un bar de Santiago y otras dos personas acaban en el hospital tras ingerir sin saberlo un pastel de marihuana
- La escalinata de Santiago que indica cada cuánto es Año Santo y que tiene la señal "más bonita del mundo
- El comisario de Santiago pide el traslado solo cuatro meses después de tomar posesión
- Incertidumbre sobre el futuro entre los compostelanos con pisos turísticos: "Nos usan para atizarse unos a otros
- Muere a los 75 años Jesús Carlos Pampín Rúa, exconcejal del Partido Popular en Santiago
- Miniso, el 'Tiger chinés', apuesta por Santiago y abrirá una segunda tienda en pleno centro de la ciudad
- La empanada esculpida en el Pórtico de la Gloria: el manjar que los godos trajeron a Galicia